2025 он гэхэд хосолмол буюу гибрид байдлаар ажиллах загвар стандарт болох бөгөөд ихэнх компаниуд ажилтнуудаа зайнаас болон оффисоос ажиллах хосолсон боломжийг олгоно.
Хаанаас ч хамаагүй ажиллах боломж нь уян хатан хуваарийн эрэлтийг нэмэгдүүлж, компаниуд виртуал хамтын ажиллагааны хэрэгсэл, ажлын орчны шийдэлд хөрөнгө оруулах шаардлагатай болно.
Оюун санааны эрүүл мэнд, ажил-амьдралын тэнцвэр зэрэг хөтөлбөрүүд нь Монголын ажил олгогчдын тэргүүлэх чиглэлүүдийн нэг болж, талентууд илүү их дэмжлэг, халамжийг ажил олгогчдоосоо шаардах болно.
Монгол улс тогтвортой хөгжилд улам ихээр анхаарал хандуулж буй энэ үед сэргээгдэх эрчим хүч, байгальд ээлтэй үйлдвэрлэл, ногоон технологийн салбарууд хурдацтай хөгжиж, шинэ ажлын байруудыг бий болгож, ажиллах хүчнийг дахин сургах хэрэгцээ бий болгоно.
Олон компаниуд өөрчлөлтөд орох тусам гүйцэтгэх болон ахлах түвшний мэргэжилтнүүдийн эрэлт өсөх болно. Байгууллагууд өөрсдийгөө өөрчлөлт, өсөлтөд хөтлөх чадвартай туршлагатай манлайлагчдын татахын төлөө илүү их өрсөлдөх болно.
Мэдээлэл технологи, барилга болон сэргээгдэх эрчим хүчний салбарууд хурдацтай хөгжиж буйтай холбогдуулан талентуудыг дахин сургах, ур чадварыг нь дээшлүүлэхэд ихээхэн ач холбогдол өгөх болно. Ажил олгогчид өөрчлөгдөж буй зах зээлд шаардагдах ур чадваруудыг эзэмшүүлэхийн тулд ажилтнуудын хөгжлийн хөтөлбөрүүдэд ихээхэн хөрөнгө оруулна.
Дэлхийн эдийн засаг улам бүр харилцан уялдаатай болох тусам Монгол улс бусад орнуудаас өндөр ур чадвартай ажилтнуудыг татахад ихээхэн өрсөлдөөнтэй тулгарах болно.
Мэдээлэл технологийн ур чадваруудаас гадна харилцаа, асуудал шийдвэрлэх чадвар, дасан зохицох чадвар зэрэг зөөлөн ур чадварууд ажлын байранд улам чухал болох болно.
.png){kind=small}
