Энэ удаагийн дугаараар бид Untie подкастын 23 дахь дугаарын зочин болох Мандал Санхүүгийн Нэгдэлийн ТУЗ-ийн дарга Ө.Ганзоригийг онцлож түүнээс суралцах манлайллын 5 сургамжийг доор та бүхэндээ бэлдлээ.

_{1. Зоригтой бай, итгэлтэй бай:}

"25 насандаа бусад банкуудад би өөрөө очиж санал тавьдаг байсан. Хэн ч ямар ч байгууллага надад санал тавьж байгаагүй."

Түүний хувьд зоригтой, итгэлтэй байх нь амбицтай байхыг зөвлөсөн.

Бидний санал болгож буй аргачлал:

• Зорилгоо тодорхойлох – Юу хүсэж байгаагаа мэдэж, том зорилго тавь.

• Айдсаа даван туулах – Эргэлзэхгүйгээр эхэл, алдаанаасаа суралц.

• Өөрийгөө хөгжүүлэх – Шинэ мэдлэг, чадвар эзэмшиж, өсөлтийн сэтгэлгээтэй бай.

• Өөртөө итгэх дадал суулгах – Өөрийн давуу талаа мэдэж, өөртөө итгэлтэй бай.

• Тав тухтай бүсээсээ гарах – Шинэ сорилттой нүүр тулж, өсөлтөд чиглэсэн орчин бүрдүүл.

_{2. Үргэлж алдаанаасаа суралц:}

"Би өөрийн хүмүүстээ хэлдэг. Алдагдал хий. Мөнгөө алд. Гэхдээ алдснаа хүлээн зөвшөөр. Яагаад алдсан гэдэг дээрээ нөхцөл байдлын анализаа хий. Яаж энэ нөхцөл байдлаас гарах вэ гэдгээ ярилцаж бай."

Түүний хэлснээр бол стратегич хүний хувьд алдаа бол зайлшгүй гаргах зүйлс. Тэр алдаанаасаа суралцаад хөгжөөд дээшээ явах ёстой.

Бидний санал болгож буй аргачлал:

1. Алдаагаа хүлээн зөвшөөрөх – Алдаа гаргасан гэдгээ ойлгож, буруутгах биш, дүгнэлт хий.

2. Шалтгааныг нь тодорхойлох – Яагаад ийм зүйл болсон, юунаас болж алдсан гэдгээ сайтар задлан шинжил.

3. Сурах зүйлээ олж харах – Алдаа бүр шинэ зүйл заадаг. “Энэ надад юу зааж байна?” гэж өөрөөсөө асуу.

4. Дахин давтахгүй байх төлөвлөгөө гаргах – Алдаанаасаа суралцсан бол, үүнээс хэрхэн зайлсхийх арга замаа тодорхойл.

5. Өсөлтийн сэтгэлгээтэй байх – Алдаа бол уналт биш, өсөлтийн нэг хэсэг. Битгий шантар, улам хүчирхэг бол.

_{3. Өөрийн цагаа үнэ цэнтэй байлга:}

"27 насандаа цөмийн физик, астрофизик болон филисофи уншиж, судлаж байхдаа нэг зүйлийг ойлгосон. Бидний амьдрал астрофизикийн цагаар нүд ирмэх зуурт л өнгөрдөг буюу маш ҮНЭ ЦЭНТЭЙ. Ганцхан хормын амьдралыг бусдын талаар хов жив ярьж өнгөрүүлэхийн оронд ямар нэг юм хийх, бүтээх хэрэгтэй. "

Та өөрийн цагаа ухаалагаар төлөвлөн үр бүтээлтэй байлгавал таны цаг, орон зай үнэ цэнтэй байх болно.

Бидний санал болгож буй аргачлал:

• Зорилготой үйлдэл хийх – Цаг хугацаагаа санамсаргүй өнгөрөөх биш, зорилгоо тодорхойлж, түүний дагуу ажилла.

• Чухал зүйлсдээ төвлөрөх – Бусдын хүлээлтэд авталгүй, өөрт хамгийн үнэ цэнтэй ажлуудаа эхэнд тавь.

• Шинэ чадвар, мэдлэг эзэмших – Өдөр бүр суралцаж, ур чадвараа хөгжүүлснээр цагийг үнэ цэнтэй болгож чадна.

• Бие, сэтгэл санаагаа анхаарах – Эрүүл мэнд, амралтад цаг зарцуулах нь илүү үр дүнтэй ажиллах түлхүүр болно.

• Бусдад үнэ цэнэ бүтээх – Цагаа зөвхөн өөртөө бус, бусдад туслах, үнэ цэнтэй зүйл бүтээхэд ашигла.

_{4. Өөрийн амьдрах замналаа тодорхойл:}

"Амьдралдаа сэргэлт авахын тулд оюутнуудад хэлдэг миний үг бол ҮХЛИЙН талаар бод. 7 хоногт эсвэл сард 1 удаа үхлийн талаар бод. Оршуулах ёслол дээр бусдаар өөрийгөө юу гэж хэлүүлэхийг хүсэж байна. Энэ бол чиний үлдээх өв тул үхлээсээ нааш замаа төлөвлө."

Түүний хэлснээр та өөрийн ажил амьдралынхаа замналыг хэрхэн тодорхойлохоо мэдэхгүй бол нас барсаны дараа ямар дүрээр өөрийгөө хүмүүст сануулах хүсэлтэйгээ бод.

Бидний санал болгож буй аргачлал:

• Өөрийгөө таньж, юу хүсэж байгаагаа ойлгох
  – Чамайг юу урамшуулдаг, юунд дуртайгаа тодорхойл.
  – Өөрийн үнэт зүйл, давуу тал, сонирхлоо мэдэж ав.

• Том зорилго тавих
  – Богино болон урт хугацааны зорилгоо тодорхойл.
  – Чиний мөрөөдлийн амьдрал ямар байхыг дүрслэн бод.

• Туршиж, суралцаж, хөгжих
  – Шинэ зүйлс оролдож, өөрийн дуртай салбараа олох.
  – Алдаанаасаа суралцаж, алхам бүрээсээ туршлага хуримтлуул.

• Өөртөө итгэж, зоригтой шийдвэр гаргах
  – Бусдын хүлээлтэд баригдахгүй, өөрийнхөө замыг сонго.
  – Чиний сонголт чиний амьдралыг тодорхойлно.

• Тууштай байж, үйлдэл хийх
  – Хүссэн амьдралаа бүтээхийн тулд өдөр бүр тодорхой алхам хийнэ.
  – Хүнд хэцүү үед бууж өгөлгүй, урагшлах эрч хүчээ хадгал.

_{5. Стратегич бай:}

"Стратегийн ухаан өөрөө олон талт ажиллагааг шаардаад байдаг. 10 гартай бурхан шиг 10 талбарт зэрэг ажиллана. 1 1-ээр бус, 10 талбараа зэрэг хараад зэрэг ажиллах ёстой."

Түүний хэлснээр хүн бүр стратегич болох боломжтой. Зөвхөн ажил бус, гэр бүл, үр хүүхдийнхээ боловсрол болон ирээдүйд анхаарал хандуулж байгаа нь мөн адил стратегийн ухааны нэг шинж.

Бидний санал болгож буй аргачлал:

• Том зураг харж сурах – Өдөр тутмын ажлаас илүү өргөн хүрээнд бодож, урт хугацааны үр дагаврыг тооцоол.

• Асуудлыг олон өнцгөөс харах – Нэг шийдэлд хэт баригдахгүйгээр өөр хувилбаруудыг судалж, анализ хий.

• Өгөгдөл, баримт дээр тулгуурлах – Бодит мэдээлэл дээр үндэслэн шийдвэр гаргаж, дүгнэлт хий.

• Урьдчилан таамаглах дадал суулгах – Боломжит эрсдэл, өөрчлөлтүүдийг төсөөлж, уян хатан төлөвлөгөө гарга.

• Тасралтгүй суралцах – Өөр салбар, шинэ мэдлэгээс санаа авч, сэтгэлгээний хүрээгээ тэл.

_{Өөрийн манлайллын дараагийн түвшинд гармаар байна уу?}

Монголиа Талент Нэтворк нь алсын хараатай удирдагч манлайлагч нарыг зөв газарт нь холбодог. Хэрэв та өөрийн удирдлагын ур чадвар, туршлагад тохирсон гүйцэтгэх удирдлагын ажил эсвэл карьерын дараагийн алхмаа хайж байгаа бол өөрийн CV-гээ бидэнд илгээгээрэй.

Яг одоо CV-гээ илгээж, таны ур чадвар болон карьерын зорилгод тохирсон удирдах түвшний ажлын санал хүлээн аваарай!

‍